Nunat aqqinut nalunaarsuiffik
Indhold
Nunat aqqinut nalunaarsuiffik qitiusumik nalunaarsuiffiuvoq nunaannarmi pisortatigoortumik nunap aqqinik imaqartinneqartoq; tassa imaappoq illoqarfiit killeqarfiisa avataanni.
Nalunaarsuiffik akerlilerneqarsinnaanngitsutut inissisimasuuvoq, Nunat aqqinik paasiissutissanik katersuiffittut, nutarterinertut aallertarfittullu atuuttuulluni. Illoqarfiit avataanni nunap immikkoortuini sumiiffinni aqqit, soorlu qaqqat, nunani nunaminertat, aamma nunataqarfiit allat nalunaarsuiffimmiitinneqarput.
Nunat aqqi nunap assingi, allagaatit digitalimillu atortorissaarutini tamani assigiimmik atorneqarnissaat siunertaavoq, taamaasillutillu innuttaasut, suliffeqarfiit oqartussaaffeqarfiillu nunat aqqi pillugit paasissutissat eqqortut pisortatigoortullu atussavaat.
Nunat aqqinut nalunaarsuiffik aamma kulturikkut pingaarutilimmik atuuffeqarpoq, pissutigalugu atsersuisarneq kulturikkut kingornussat tigussaanngitsut ilagimmassuk.
Nunat aqqinut nalunaarsuiffeqarnitsigut nunat aqqiisa akuerisaasut, najukkami kinaassutsimut oqaluttuarisaanermullu pingaarutillit attatiinnarneqarnissaat qulakkiissavarput.
Nunat aqqinut nalunaarsuiffik iserfigineqarsinnaavoq uani.
Kulturikkut kingornussatta ilaattut Nunatsinni sumiiffiit assigiinngitsut Oqaasileriffimmiit katersorneqarnikuupput, nunallu aqqisa taaguutaat digitalikkut nalunaarsorneqarneri qulakkeerneqarluni. Taamaalilluni innuttaasutut Kalaallit Nunaanni nunat aqqi sumiinnersut alakkerterneqarlutillu nuisinneqarsinnaapput.
Nunat aqqinut nalunaarsuiffik suliffeqarfinnut oqartussaqarfinnullu nunap immikkoortuini pilersaarusiornernut, titartuinernut allaffissornikkullu siunertanut pingaaruteqarluinnartuuvoq.
Oqartussaqarfiit nunat aqqi atorlugit najukkat aamma annaassiniarnermi ajornartoornermilu kiffartuussissutit sumiissusersiornissannut atorsinnaavaat, suliffeqarfiillu pingaartumik assartuussisut angalatitsisullu sumiissusersiornissamut angalasunillu kiffartuussinissamut eqqoqqissaartumik atuinissaat eqqarsaatigalugu.
Attavissaq
Tunngaviusumik paasissutissanut tunngatillugu apeqqutissaqaruit, Digitalinngortitsinermut Aqutsisoqarfimmut saaffiginnissinnaavutit uani digitalisering@nanoq.gl