Nunaminertanut nalunaarsuiffik
Indhold
Nunaminertanut inniminniinermik nalunaarsuiffik tassaavoq qitiusumik paasissutissartalik, nunaminertap aalajangersimasumik siunertalimmik, kommunimit akuerineqarnikuusup, atorneqarsinnaaneranik pisinnaatitaaffiliisoq.
Nunaminertap nunap immikkoortuani nunalerutit atorlugit inissisimaffia, attaveqarfia atuiffissatullu siunertaa il. il., nalunaarsuiffimmi nalunaarsorneqartarput, tamanullu avammut saqqummiunneqarlutik, nunami nunaminertat inuiaqatigiinnit pigineqarmata.
Nunaminertanut inniminniinermik nalunaarsuiffiup siunertaraa nunaminertamik atuinerup ataatsimut malinnaavigisinnaaneqarnissaa, tamannalu pilersaarusiornermi siunertamut aamma oqartussaaffeqarfinnut namminersortunullu innersuussutigineqarsinnaaneranut pingaaruteqarluni.
Nunaminertanut inniminninermik nalunaarsuiffik suliarineqareerpoq. Nalunaarsuiffiup tamanut atorsinnaalernissaa sulissutigineqarpoq.
Sanaartorfiit, atortulersuutit, attaveqaasersuutit pigisallu (soorlu umiatsiat, containerit il. il.) nunaminertamik atugassinneqatarput. Akuersissutit kommunimit isumagineqartarput, nunaminertamik inniminniinissamut qinnuteqartoqaraangat.
Illit innuttaasutut umiatsiat, illuaraatit, illuliassat imaluunniit illugisavit pioreersup allineqarnissaa pillugu nunaminertamik inniminniinissamik qinnuteqarniaruit, maana qinnuteqarsinnaavutit.
Nunaminertanut inniminniinermik nalunaarsuiffik Nunatsinni sanaartukkanut, atortulersuutinut attaveqaasersuutinullu tamanut toqqammaviuvoq. Nunaminertat inniminnigaasimasut atorlugit siunissamut sanaartugassanik pilersaarusiornermi atorneqarsinnaapput.
Matumani nunaminertamik inniminniiniissamut qinnuteqaammik, inniminnikkap attaveqarfiata allanngortinneranik, kiisalu nunaminertamik inniminnikkamik allannguiniarnermik maana qinnuteqartoqarsinnaavoq
Attavissaq
Tunngaviusumik paasissutissanut tunngatillugu apeqqutissaqaruit, Digitalinngortitsinermut Aqutsisoqarfimmut saaffiginnissinnaavutit uani digitalisering@nanoq.gl