Inissianut Sanaartukkanullu nalunaarsuiffik
Indhold
Inissianut Sanaartukkanullu Nalunaarsuiffik (BBR) qitiusumik nalunaarsuiffiuvoq sanaartukkanut, inissianut, init immikkut inissisimaffiinullu paasissutissanik imalik. Taamaattumik BBR tunngaviusumik paasissutissanik nalunaarsuiffiuvoq, inissianik sanaartukkanullu assigiiaartumik nalunaarsorneqartarnissaannik siunertalik.
Pisortanut, oqartussaqarfinnut, namminersortunut, suliffeqarfinnut innuttaasunullu paasissutissat atugassanngortinneqartarput.
BBR maanna suliarineqarallarpoq, sulilu atorneqarsinnaanani.
BBR innuttaasunut pingaaruteqartuuvoq, pissutigalugu innuttaasup sanaartukkanut inissianullu paasissutissat pissarsiarisinnaammagit. Assersuutigalugu nuukkusunnerminut imaluunniit inissamik pisinissaminut tunngatillugu paasissutissat ajornannginnerusumik pissarsiarisinnaassallugit.
Taamaasilluni paasissutissat taakku pingaaruteqarsinnaapput, pigisamut sillimmasiinissamut aningaasartuutit imaluunniit pisiarerusutamut aningaasartuutigisinnaasat nalilersorsinnaanissaannut naatsorsuusiornermut.
Innuttaasut aamma BBR atorlugu sumiiffimmi aalajngersimasumi inissiaqarnerup qanoq innera misissorsinnaavaat.
Suliffeqarfiit soorlu illunik tuniniaasartut aamma sillimmasiisarfiit, akinik nalilersuinerminni sillimmasiinermilu akinik misissuinerminni, BBR atorsinnaavaat.
Oqartussanut BBR paasissutissanik aallerfiuvoq pingaarutilik, ilaatigut illoqarfiup pilersaarusiorneranut tunngatillugu.
Attavissaq
Tunngaviusumik paasissutissanut tunngatillugu apeqqutissaqaruit, Digitalinngortitsinermut Aqutsisoqarfimmut saaffiginnissinnaavutit uani digitalisering@nanoq.gl