Pisortat Digitalinngorsaanermik Aqutsisoqatigiivi (PDA)

Pisortat Digitalinngorsaanermik Aqutsisoqatigiivi (PDA) Kalaallit Nunaanni digitalinngortitsinermi aalajangiisartutut pingaarutilittut kiisalu oqartussaqarfittut siunnersuisartutut atuuttuupput. 

Suliniutit aningaasanut inatsimmut konto 10.98.02 atorlugu nuna tamakkerlugu digitalinngortitsinermut periusissiakkut atuutilersinneqarnissaannut aningaasaliiffigineqartut akuersissutigisarnissaat nakkutigisarnissaallu PDA-mit suliassarineqarpoq. 

Tamatuma saniatigut pisortat ataatsimut suliniutaat digitaliusut allat pillugit qitiusumik allaffeqarfiup kommunillu akornanni, PDA ataqatigiissaarisutut siunnersuisartutullu atuuffeqarpoq. PDA aamma Inussuk IT-mut siulersuisutut toqqagaavoq.

Kikkut PDA-mut aningaasanik qinnuteqarsinnaappat?

Nuna tamakkerlugu digitalinngortitsinermut periusissiami suliniutit malunniutilimmik angusaqarfiusut siunissamilu ungasinnerusumi imminut aningaasaliiffiulersussat aningaasaliiffigineqarsinnaapput. 

Nuna tamakkerlugu digitalinngortitsinermut periusissiami suliniutit suut aningaasanut inatsimmut konto 10.98.02-miit aningaasaliiffigineqassasut PDA-p pingaarnersiortarpai.

PDA-miit aningaasaliiffigineqarnissamut malittarisassat suliniutinit malinneqartussat tassaapput: 

1. Suliniut nuna tamakkerlugu digitalinngortitsinermut periusissiamut ilaassaaq

2. Suliniut pisortani ataatsimoorussaassaaq. Tassa imaappoq, suliniut pisortani immikkoortut, namminersorlutik oqartussat aamma kommunini oqartussaaffeqarfiit akunnerminni ataatsimut atorsinnaassavaat. Tamatuma saniatigut suliniutip pisortani ataatsimut malittarisassai malissavaat; matumani sullissivik.gl, PITU, Allakkat Digitaliusut aamma pisortaqarfinni digitalimik ataqatigiittumik aaqqissuussineq.

3. Pisortani ataatsimoorussamik suliniummut periuseq malinneqassaaq – paasissutissat annertunerusut atuarsinnaavatit uani

4. Suliniummi ingerlariaatsit malittarisassallu eqquutsinneqassapput. Tassa imaappoq:

   • aqutsisoqatigiit PDA-meersuunngitsut pilersinneqarsimassapput

   • suliniummut aqutsisumit suliniummi aqutsisoqatigiinnut aalajangersimasumik attaveqaqatigiinneqassaaq

5. Suliniutip naammassereernerata kingorna ingerlatsineq qulakkeerneqarsimassaaq. Tassa imaappoq suliniutip naammassineqareernerata kingorna ingerlatsinermut aningaasaqarpat, ingerlatsinermi akisussaaffik inissinneqareersimassaaq, immikkoortortaqarfillu ingerlatsisussaq ingerlatsineq akuersaareerlugulu akuersissutigereersimassavaa

6. Suliniut pisortani ataatsimoorussamik sipaarniuteqarfiussaaq

Sulimiummut aningaasaliissutitik PDA-p utertissinnaavai:

1. Malittarisassat malinneqarsimanngippata

2. Suliniut amigartooruteqarfiuppat / naatsorsuutigisamik inernerit piviusunngortinneqanngippata

Aningaasaliissutinik ima qinnuteqassaatit

Isumaqaruit suliniutigisat malittarisassani “Kikkut PDA-mut aningaasanik qinnuteqarsinnaappat?”-mi eqquutsitsisoq, ima iliussaatit:

1. PDA-mi qinnuteqarnermut immersuiffissaq immersorlugu

2. Pisortani ataatsimoorussamik suliniummut periutsimi ‘suliniutitut isumassarsiaq’ immersussavat

Immersorsimasat PDA-mi allattaasumut (avab@nanoq.gl) nassiutissapput, taassuma PDA-mi ataatsimeeqatigiinnissaq pitinnagu nassiunneqartut akuerisussaavai.

Killiffimmik nalunaarusiorneq

Nuna tamakkerlugu digitalinngortitsinermut periusissiamiit suliniutit 10.98.02-miit aningaasaliivigineqartut tamarmik, skabeloni ataaniittoq malillugu PDA-mut nalunaarusiortassapput. PDA-mit aningaasaliiffigineqartut aamma pisortani ataatsimut digitalimik aaqqiissummi ingerlanneqartut, soorlu sullissivik.gl, Pisortani Allakkat Digitaliusut aamma NemKonto pineqarput.

Killiffimmik nalunaarusiornissamut skabeloni aasinnaavat uani

PDA-mi ataatsimiinnerit

PDA-mi 2025-mi ullut ataatsimiiffissat

PDA-mi ilaasortat

PDA qitiusumik allaffeqarfimmit aamma kommuninit aallartitaqarpoq:

Attavissaq

PDA-mut apeqqutissaqaruit attaveqarsinnaavutit uunga digitalisering@nanoq.gl

Paasissutissat annertunerusut atuakkit

• Suliassat allassimaffiat aaguk

• Suleriaasissaq aaguk

• Malittarisassat aakkit

• PDA-mi qinnuteqarnermut immersuiffissaq aaguk

• Killiffimmik nalunaarusiaq aaguk

• Pisortani Ataatsimoorussamik Suliniummut Periutsimut link (FOP)