PISORTAQARFIMMI AAQQISSUUSSAASUMIK DIGITALIKKUT ATAQATIGIISSITSINEQ (FODA)
Indhold
2025-mi ukiap ingerlanerani aaqqissuussinermi malittarisassat assigiinngitsut, sakkutalersukkat kiisalu FODAp atorneqarnissaanut ilitsersuut saqqummersinneqassaaq. Quppernermi matumani suut saqqummersinneqarsimanersut takusinnaavat, aammalu illit pisortaqarfigisallu digitalimik suliniuteqalertilluni digitalimillu aaqqiissutinik inerisaalernermi pisiniarnermiluunniit FODA atortarsinnaallusiuk.iom
Kalaallit Nunaanni pisortaqarfinni suleriaatsimik pitsaanerulersitsisussamik sunniuteqarluartitsisussamillu digitalinngoriartuaartitsisoqarpoq – eqqortumik iliorutta. Kalaallit Nunaanni digitalinngoriartuaarnitsinni pisortaqarfinni digitalimik ataqatigiimmik suleqatigiinnissap anguneqarnissaanut, kommunit oqartussaaffeqarfiillu aaqqissuussineq ataaseq malillugu suleqatigiinnissaat pisariaqartipparput. Digitalinngortitsinermi periusissiaq tunngavigalugu (https://digitalimik.gl/emner/strategier) Naalakkersuisut kissaatigaat ataqatigiissumik sunniuteqarluartitsisumillu digitalimik aaqqissuussaasumik Kalaallit Nunaanni pilersitsisoqassasoq.
Uanilu erseqqissaassutigineqassaaq digitalinngortitsinnissaq kisiat anguniarneqanngimmat.
Digitalinngortitsinissaq Naalakkersuisut politikkikkut anguniangaanni sakkussaavoq, Kalaallit Nunaata nutaaliaanerusumik ataqatigiinnerusumillu anguniarnissaa – oqaatsit suulluunniit, ungasissuseq aammalu nunalerinermi. Nuna tamakkerlugu digitalinngortitsineq nipeqalersissavaa, tamat oqartussaaqataanerat nukittussaaq, najugaqarfinni illoqarfinnilu inuuneq piujuartinneqalerluni.
Pisortaqarfinni Aaqqissuussaasumik Digitalikkut Ataqatigiissitsineq (FODA)
Pisortaqarfinni Aaqqissuussaasumik Digitalikkut Ataqatigiissitsineq (FODA) ataqatigiinnerusumik tunngaviussaaq, eqaannerullunilu qularnaannerusumillu digitalikkut Kalaallit Nunaanni ineriartorneq.
FODAMUT takorluugaq
Pisortaqarfinni Aaqqissuussaasumik Digitalikkut Ataqatigiissitsineq (FODA) pilersippaa digitalikkut Kalaallit Nunaat ataqatigiinnerusoq. FODA tunngaviuvoq digitalimik ineriartortitsinermik tapersiillunilu naammassiuminarsaavoq digitalinngortitsiartuaarnerup ingerlaneranik, pisortaqarfiit akimorlugit paasissutissanik avitseqatigiinneq.
Nuna tamakkerlugu digitalinngortitsinissamut periusissiaq, pisortaqarfiit ataatsimoorlutik suleqatigiinnerannit paasisat aammalu Kalaallit Nunaata digitalimik siunissaattut kissaatigisaq aallaavigalugu takorluukkamik suliaqartoqarsimavoq. Digitalinngoriartornerup atuutilersikkiartuaarneranut iluaqutaasussamik aaqqissuussaasumik siunertaqarnissaq, inatsiseqarnissaq, periuseqarnissaq, sakkoqarnissaq aammalu digitalimik attaveqaasersornissaq assigisaallu tunngavigineqarsimapput.
FODA-tut ittumik ataatsimut pilersitsisoqarsimaneratigut, digitalimik aaqqiissutinik nutaanik ineriartortitsiniartilluta imaluunniit pisiniartilluta kiisalu digitalimik aaqqiissutini pioreersuni aaqqiiniartilluta periutsinik nutaanik pilersitsisariaqarneq ajorpugut. FODA-p anguniarpaa inuiaqatigiinnut, suliffeqarfinnut kiisalu pisortaqarfinni sulisut atortunik atuisuusussanut iluaqutaasussamik pisortaqarfiit akornanni ataqatigiinnerunissaq.
FODA-mut ilanngullugu najoqqutassiamik suliaqartoqarnikuuvoq. Najoqqutassiap siunertaa tassaavoq FODA atorlugu digitalinngortitsinermut suliniutit pisariitsumik nassuiarneqarnissaat aammalu atorneqarsinnaasunik ilitsersuusiortoqarnissaa.