Pisortani Ataatsimoorussamik Suliniummut Periuseq (FOP)
Indhold
Kalaallit Nunaanni pisortani digitalinngortitsinermut suliniutit iluatsissapput, aamma naatsorsuutigisamik iluanaarutissat piviusunngortinneqassapput. Taamaattumik Digitalinngortitsinermut Aqutsisoqarfiup Pisortani Ataatsimoorussamik Suliniummut Periuseq (FOP) suliarnikuuaa, ilaatigut eqqortumik aqutsinissaq iluanaarutissallu eqqortumik ukkatarineqarnissaat qulakkeerniarlugit. Suliniutip suliarineranut ikiuutaasumik immersukkat skabelonillu arlallit ilaatillugit “suliniutinut sakkussaasivik” suliarineqarpoq.
Suliniutit Nuna tamakkerlugu digitalinngortitsinermut periusissiameersut PDA-miillu aningaasaliivigineqartut tamarmik FOP pinngitsooratik malissavaat.
FOP immikkoortunut sisamanut agguagaavoq:
- Isumassarsineq: Suliniummut isumassarsiaq pitsanngorsarneqassaaq, aamma aningaasartuutaanerusussat iluanaarutissallu suussusersineqassapput.
- Misissueqqissaarneq: Suliniut allaaserineqassaaq misissuiffigeqqissaarneqarlunilu. Suliniummut aqutsinermi tunngavimmik pilersitsisoqassaaq suliniummut tunngavittut ittumik.
- Ineriartortitsineq: Suliniutip kiffartuussissutigineqarneri suliarineqarlutillu tunniunneqassapput. Immikkoortumi matumani suliniummut aqutsisoq piumasaqaatinut nassuiaasiussaaq, kiisalu kiffartuussissutissap neqeroortitsissutaa atuutilersinneqarnissaalu ilanngullugit. Suliniummut tunngavik skabelonillu assigiinngitsut ataavartumik nutarterneqartassapput aqutsisoqatigiinnullu saqqummiunneqarlutik.
- Naammassinninneq: Suliniut matumani naammassineqareersimassaaq, ingerlatsisussanullu tunniunneqarluni. Suliniummut tunngavik nutartissaaq aamma suliniutip ingerlanneqarnera nalilersuiffigineqassaaq.
Allakkiat aamma immersugassat
Allakkiat aamma immersugassat
FOP-mut ilitsersuut tamakkiisoq nassaarisinnaavat uani
FOP-mi immikkoortut tamarmik immikkut allakkiartaqarlutillu immersugassartaqarput ilitsersuutitalinnik. Aaneqarsinnaapput uani:
Immikkoortoq 1 – Isumassarsineq
Immikkoortoq 2 – Misissueqqissaarneq
- Suliniummut tunngavik
- Aningaasartuutissat
- Nalorninartut allattorsimaffiat
- Piffissaliussaq
- Attaveqaqatigiinnermut pilersaarut
- Akuersinissamut piumasaqaammut log (pinngitsoorneqarsinnaavoq)
- • Allanngortitsinissamut log (pinngitsoorneqarsinnaavoq)
Immikkoortoq 3 – Ineriartortitsineq
Immikkoortoq 4 – Naammassinninneq
Attavissaq
FOP-mut apeqqutissaqaruit attaveqarsinnaavutit uunga digitalisering@nanoq.gl