Nunat pingajuat isumannaatsoq
Indhold
Nunat pingajuattut isumannaatsutut inissisimaneq tassaavoq nuna EU-p avataaniittoq paasissutissanik illersuinermi naammattumik qaffasissuseqartutut naliliiffigineqartoq akuerineqartorlu, tassa qaffasissusaa EU-misulli inissisimalluni.
Taamatut inissisimagaanni EU-miit nunat pingajuattut inissisimasumut inunnut paasissutissanik nuussisoqarsinnaavoq, annertunerusumik allanik illersuiniarnikkut aaqqiissuteqanngikkaluarluni, soorlu assersuutigalugu nalinginnaasumik killilersuutinik atuinikkut imaluunniit suliffeqarfiit iluini politikkit pituttugaasut malittarinerini.
Paasissutissanik illersuinissamut piumasaqaatit nunap pingajuata naammassinerai EU-mi ataatsimiititaliarsuarmit naliliiffigineqarnissaat akisussaaffigineqarpoq, makkulu tunngavigalugit naliliissalluni:
- Nunap pingajuani inatsisaasut naapertorlugit paasissutissanik illersuinermi qaffasissuseq EU-mi GDPR-isulli qaffasitsigalutik qulakkeerinnissapput.
- Oqartussaaffeqarfik paasissutissanik illersuisoq attuumassuteqanngitsoq paasissutissanik illersuinermut inatsimmik malinnittoqarneranik nakkutiginnittoq qulakkeerisorlu aqqutigalugu paasissutissanik illersuinermut inatsimmik atuutsitsinissamut periutsit pisariillisakkat nunap pingajuusumit atorneqassapput.
- Paasissutissanik illersuinermi unioqqutitsisoqartillugu inuit ataasiakkaat naleqquttumik inatsisitigut nunap pingajuat periarfissaqassasoq.
Taamaattumik nunatut pingajuusutut isumannaatsutut inissisimaniaraanni, inunnut paasissutissat eqqortumik isumannaatsumillu suliarinissaannut qulakkeerisumik paasissutissanut aaqqissuussat politikkillu atuutsinneqartuussapput.
Nunap pingajuattut isumannaatsutut inissisimanissap angunissaanut periusaasinnaavoq nunani tamalaani isumannaallisaanermut malittarisassaq ISO-27001 aqqutigalugu, ilaatigut aamma Information Security Management System (ISMS) pilersinneratigut, nalorninartunik naliliisarnikkut misissuutinillu atuutilersitsinikkut, kiisalu ataavartumik nakkutiginninnikkut, ataavartumik nalilersuinikkut, isumannaallisaassutinilu suliarineqartartut pitsanngorsartarnerisigut.
EU-mi Ataatsimiititaliarsuup nittartagaani paasissutissanik illersuinissamut piumasaqaatit aamma nunap pingajuattut inissisimaffik pillugu paasissutissat atuarneqarsinnaapput. Paasissutissat sukumiisut pillugit EU Commission alakkarteruk (qallunaatut aamma tuluttut allaqqapput).
Attavissaq
Cyberimi Paasissutissanilu isumannaallisaanermut Immikkoortortaqarfimmut apeqqutissaqaruit allassinnaavutit uunga infosikkerhed@nanoq.gl