ISO
Indhold
ISO 27001 aamma ISO 27002 nunani tamalaani malittarisassaapput taakkulu International Organization for Standardizationimit (ISO) saqqummersinneqarput. Malittarisassat taakku siunertarivaat suliffeqarfiit isumannaallisaanikkut ajortumeerinianut nalorninartitsisunullu paasissutissaatiminnik pisariillisaanikkut illersuisinnaanerannik qulakkeerinissaq.
Paasissutissani isumannaallisaanermut aqutsisut atortorissaarutaannik (ISMS) pilersitsinissamut, atuutilersitsinissamut, atorsinnaaneranut pitsanngorsaanissamullu pingaarnertut malittarisassaasoq tassaavoq ISO 27001. Taassuma paasissutissani isumannaallisaanerit aaqqissuulluakkamik suliarinissaanut qulakkeerisuuvoq, piumasaqaatillu nassuiaateqartillugit paasissutissat isertuussat qanoq illersornissaannut tunngatillugu, aamma tutsuiginassutsimut tikinneqarsinnaassutsillu qanoq illersornissaannut tunngatillugu.
ISO 27002 isumannaallisaanerit atuutilersinnissaannut pitsaanerpaamillu qanoq atorsinnaanerinik ilitsersuuteqarpoq, aamma ISMS-i malillugu qanoq nakkutiginnissinnaaneq ilanngullugu. ISO 27001-imi isumannaallisaanermut suliniutit allaaserineqartut qanoq atuutilersinnissaannut ilitsersuutitut atugassaavoq.
ISMS-ip aamma paasissutissani suliassat annertussusaat illersugassaasut inissinneqassapput;
- Aqutsisunik piumassuseqartoqassaaq ISMS-imullu tapersersuisoqarluni, matumani paasissutissani isumannaallisaanermut akisussaasumik toqqaaneq ilanngullugu.
- Nalorninartunik nalilersuisoqassaaq, isumannaallisaanikkut nalorninartut sumiissusersiumallugit, nalilersuiffigiumallugit suliarisinnaajumallugillu.
- Nalorninartutut nalilersuinerit tunngavigalugit isumannaallisaanermi misissuinerit pillugit piumasaqaatiliortoqassaaq.
- ISMS-ip ataavartumik atorsinnaanera qulakkeerumallugu nakkutiginissaanut, misissornissaanut pitsanngorsarnissaanullu najoqqutassaliortoqassaaq.
- Isumannaallisaanermut politikkit, najoqqutassat misissuinermilu suliassat toqqortaatigineqassapput.
ISO 27002 ilaatigut paasissutissani isumannaallisaanermut politikkinik suliaqarnissamut atuutilersitsinissamullu ilitsersuutitut atussaaq;
- Paasissutissani isumannaallisaanermut aaqqissuussaliortoqassaaq, ilaatigut aamma atuuffiit akisussaaffiillu ilanngullugit.
- Sulisut eqqarsaatigalugit isumannaallisaanerup isumaginissaanut maleruaqqusat, matumani atorfinitsitsinerit, ilinniartitaanerit soraarnerillu ilanngullugit.
- Allaffiit suliffiusut atortorissaarutaasullu qularnaarnissaannut innersuussutit.
- Attaveqaqatigiinnermi ingerlatsinermilu suliani isumannaallisaanerup isumaginissaanut politikkit.
- Paasissutissani atortorissaarutinut paasissutissanullu isersinnaanerup aqunnissaannut maleruaqqusat.
- Atortorissaarutinik pissarsinermut, ineriartortitsinermut atuinnarsinnaanerisalu qulakkeerinerinut ilitsersuutit.
- Isumannaallisaanermi pisut unioqqutitsinerillu pillugit najoqqutassat.
- International Organization for Standardization (ISO): ISO-mut malittarisassanut piginnittuusut nunarsuaq tamakkerlugu immikkut ilisimasallit naapittarfigaat suliassaqarfiillu arlallit iluini pitsaanerpaamik tunngaveqarneq aallaavigalugu aalajangiisarfigalugu, matumani cyberimi paasissutissanilu isumannaallisaanermut tunngasut ilanngullugit. ISO-p nittartagaani ISO-mut malittarisassat annertunerusut atuarsinnaavatit uani. ISO-27002 pillugu paasissutissat atuarsinnaavatit uani
- Danmarkimi malittarisassat: Danmarkimi malittarisassat pitsaanerpaamillu tunngaveqarneq aallaavigalugu suliffeqarfik siunnersuillunilu ilinniartitsisarpoq, matumani ISO-27001 ilanngullugu. Danmarkimi Standardip nittartagaani paasissutissat annertunerusut atuarsinnaavatit