Digitalinngortitsinermut suliniutini aallarniut
Indhold
Digitalinngortitsinermut Aqutsisoqarfiup aallarnisarpaa aammalu suliarinnittuullunilu ukununnga pingasunut pilersitsisuuvoq nukittorsaasuullunilu digitalinngortitsinermut suliniutinut:
- Pisortat Digitalinngorsaanermik Aqutsisoqatigiivi (PDA)
- Pisortani Ataatsimoorussamik Suliniummut Periuseq (FOP)
- Pisortaqarfinni Aaqqissuussaasumik Digitalikkut Ataqatigiissitsineq (FODA)
PDA pingaarutilittut kiisalu oqartussaqarfittut siunnersuisartutut atuuttuupput. Suliniutit aningaasanut inatsimmut konto 10.98.02 atorlugu nuna tamakkerlugu digitalinngortitsinermut periusissiakkut atuutilersinneqarnissaannut aningaasaliiffigineqartut akuersissutigisarnissaat nakkutigisarnissaallu PDA-mit suliassarineqarpoq. Tamatuma saniatigut pisortat ataatsimut suliniutaat digitaliusut allat pillugit qitiusumik allaffeqarfiup kommunillu akornanni, PDA ataqatigiissaarisutut siunnersuisartutullu atuuffeqarpoq.
FOP-ip ilaatigut eqqortumik aqutsinissaq iluanaarutissallu eqqortumik ukkatarineqarnissaat qulakkeerniartussaavai. Suliniutip suliarineranut ikiuutaasumik immersukkat skabelonillu arlallit ilaatillugit “suliniutinut sakkussaasivik” suliarineqarpoq. Suliniutit Nuna tamakkerlugu digitalinngortitsinermut periusissiameersut PDA-miillu aningaasaliiffigineqartut tamarmik FOP pinngitsooratik malissavaat.
FODAp qulakkiissavaa Kalaallit Nunaanni digitaliusumik suliaqarnissarput, ilaatigut pisortani kiffartuussissutit ataqatigiissut, pisariillisakkat siunissamullu qulakkiikkat piussallutik. FODA uani ukkatarineqarpoq, kisiannili PDA, FOP aamma FODA soorunami imminnut atapput.
Digitalinngortitsinermut suliniut suliniutaavoq siunertaralugu pitsannguinissaq, allannguinissaq imaluunniit allanngortitsinissaq suliffeqarfimmut allanngortitsineq, naalakkersuisoqarfiit imaluunniit sullissinermi ingerlariutsimik pitsanngorsaaneq.
Qasukkarsinnaavoq suleriaatsinik suliaqarnerit ingerlariaasiannik annertuumik allannguisunik, suliffeqarfiit ilanngullugit. Assersuutigalugu qanoq suleriuseq tamaat nalinginnaasumik pappialarsornermi suleriuseq qarasaasiatigut suliarineqarsinnaalersillugit, it-p ikorfartorpaa suliffeqarfinni allannguinerit.
Informationsteknoligi soorunami digitalinngortitsinermut suliniummut pingaaruteqarpoq, kisianni elementiinnaavoq.
Digitalinngortitsinermut suliniut kissaatigisamit aammalu pisariaqartinneqartutut allanngortitsinissamik aallarnerneqarpoq, qanoq oqartussani suliassat naammassineqarsinnaaneri, qanorlu siunissami kissaatigisatut naammassineqarsinnaaneri, inuiaqatigiit, suliffeqarfiit aammalu pisortani sulisunut pitsaasumik sulissunneqarsinnaaniassammata.
Tamanna oqartussaqarfinni, oqartussaqarfinnullu atasuni paasisimasaqarluarnissaq piumasaqaataavoq. Digitalinngortitsinermut suliniut nalinginnaasumik faginut arlalinnut tunngavoq assigiinngitsunik soqutigisalinnut aammalu tapersiisunut, tapersiisullu faagiminni ilisimasaqartunut.
Digitalinngortitsinermut suliniut aallartippoq, paasineqarmat pisariaqartinneqartoq kissaatigineqartorlu maannakkut atorneqartut allanngortinnissaat.
Iluatsittut ilaat tassaavoq suliniummi aaqqissuisut assigiinngitsunik sulisunik atuinerat, sulisunillu pisariaqartinneqartunik sulisoqarnerat.