FODA naatsumik oqaluttuaralugu
Indhold
Digitalikkut aaqqissuussaasumik qitiuvoq digitalimik ineriartornermi. Assinginaasinik digitaliunik iluarsiinermi pilersinneqarsinnaavoq, assigiissumik pilersaarusiamik toqqaagutta, ass. atugassaq toqqammaviusoq atorlugu, (digitalinik iliuusissat imaanik paasissutissaanik) imaluunniit datat ataatsimoortut atoqqinnerinik, il.il.
FODA pingasunik pingaarnernik najoqqutaqarpoq:
- Ataatsimoorussamik kelspfeds
- Ataatsimoorussamik takorluugaq
- Ataatsimoorussamik aaqqissuussap siunertaa
- Ataatsimoorussamik inatsisit
- Aaqqissuussinermi malitassat
- Ataatsimoorussamik sakkussat
- Sakkussat tunngaviusussat
- Toqqammavissaq
- Datat allattorsimaffiat il.il.
Figur 1: Hovedelementerne i FODA skal medvirke til en effektiv realisering af gevinsterne ved digitalisering.
FODA-mi iluaqutaasut pingaarnerit:
- Digitalinngortitsinermut tunngasunut ataatsimut aalajangeeqatigiittarneq peqqutaalluni digitalinngortitsinermi pitsanngorsaaneq.
- Digitalimik ineriartortitsinermi isumannaallisaanerup pitsanngornera.
- Digitalimik piginnaasat pitsanngorsarneri aammalu ”best practice”-t periutsillu siammarternerisigut pitsanngoriartorneq.
- Digitalimik aaqqissuussaanertut ilusissap ersarissuunissaata isumaqatigiissutiginera suleqatigiinnerulernerlu.
Tamannali nammineerluni anguneqarsinnaanngilaq. FODA-mi siunertarineqartut ataatsimoorluta malikkutsigit aatsaat iluaqutaasussat malugissavagut. Allatut oqaatigalugu; FODAp katersai aatsaat piviusunngorsinnaapput, digitalinngortitsinermut suliniummi sinaakkutit atuutilerpata. Iluaqutaasimasullu suliakkiissutit pisariillisaanermi, suleqatigiinnermik pitsannguuteqassapput aammalu aningaasartuutit ikilineqassallutik il.il. pisortaqarfinniit pisiortorfinniillu, ineriartornerup ingerlanerani, pisiniarnermi imaluunniit digitalikkut aaqqiissutinik nutaanngorsaanermi.
Ataatsimoorussamik aaqqissuussineq qulakkiissappat pingaaruteqarpoq paasiniassallugu piffissami eqqortumi FODAp atulersinnaanera digitalinngortitsinermut suliniummi.
FODA ilanngunneqartariaqarpoq ineriartorneq pilertinnagu, niuernermi imaluunniit digitalikkut aaqqiissutinik nutaanngorsaanermi. Pisortaqarfittut FODA atortariaqarpat digitalikkut aaqqiissutinik nutaanik atuinissamut piumasaqaataasut malillugit, pisiortorfittullu FODA aallaavigisariaqarpat aaqqissuussaanikkut inatsisit sakkussallu malillugit.
Oqartussaaffeqarfiit akornatsinni ataatsimut suleqatigiinnitsigut, pisortani digitalinngortitsinikkut aatsaat iluanaaruteqarsinnaavugut. FODA ataatsimoorussamik pisortaqarfinni aaqqissuussaasumik digitalikkut ataqatigiissitsineruvoq, taamaattumillu Digitalinngortitsinermut Aqutsisoqarfiup, kommunit, namminersorlutik oqartussat qitiusumik allaffeqarfiisa taakkulu suliffeqarfiisa akornanni ataatsimoorussamik FODA pilersinneqarpoq.
Digitalinngortitsinermut Aqutsisoqarfik suliniutinut aqutsineq akisussaaffigaa, kisianni aqutsisut, qarasaasialerinermut akisussaasut pisortaqarfinnilu ataasiakkaani sulisut suleqatigiinnerisigut FODAp suliarineqarnera piviusunngortinneqarsinnaavoq.
FODAp ineriartortinneqarnera ataqatigiittumik aaqqissuussinermi suleqatigiinnit pisortaqarfinni ataatsimut sulisuniit isumagineqassaaq. Suliniutip ingerlanneqarnerani suleqatigiit naapikulasassapput FODAllu naammassineqarnissaa taassuminnga atuilersussat qanimut suleqatigineratigut qulakkiissallugu. Tamatuma saniatigut ukiumoortumik FODA workshoppimut kiisalu ataavartumik nittartakkatigut ataatsimiittarnissanut pisortaqarfinni ataatsimoorussaniit soqutigisaqaqatigiit arlallit aggersarneqartassapput.
FODAp ineriartortinneranut peqataallutit suleqataagit
Eqqarsaatigigukku aaqqissuussaasumik ataqatigiisitsisunut peqataarusullutit FODAllu ineriartorneranut peqataarusullutit taava uunga attavigisigut foda@nanoq.gl.